ပိုမိုကောင်းမွန်သော ပရော်ဖက်ရှင်နယ်ဆက်ဆံရေးများတည်ဆောက်ရန် နာမည်များကို မှတ်မိနေပါစေ
တစ်စုံတစ်ယောက်ထံ စတင်မိတ်ဆက်ပေးခံရပြီး လက်ဆွဲနှုတ်ဆက်ပြီးသည်နှင့်တစ်ပြိုင်နက် ထိုသူ၏အမည်ကိုမေ့ပျောက်သွားတာမျိုး သင်ဖြစ်ဖူးပါသလား။ ဤအွန်လိုင်းနှီးနှောဖလှယ်ပွဲသည် ထိုအလေ့အကျင့်ကို ရပ်တန့်ပေးမည်ဖြစ်ပါသည်။ အမည်များကို မှတ်မိနေခြင်းဟာသင်၏ လူမှုဆက်ဆံရေး စွမ်းရည်များကို ခိုင်မာလာစေရန်နှင့် ရေရှည်တည်တံ့ခိုင်မြဲသော လုပ်ငန်းဆက်ဆံရေးများရရှိနိုင်စေရန် ပထမဦးဆုံးခြေလှမ်းပင်ဖြစ်သည်။
သင်လေ့လာသင်ယူရမည့် အရာများ
အခြားသူများ၏အမည်များကို ကျွန်ုပ်တို့မေ့လျော့ရခြင်း၏ အဓိကအကြောင်းအရင်း (၄)ချက်ကို ခွဲခြားရွေးထုတ်ပြီး ယင်းအချက်များကို တုံ့ပြန်ဆောင်ရွက်ရမည့် မှတ်ဉာဏ်ဖွံ့ဖြိုးမှုနည်းနိဿယများကို လေ့လာသင်ယူလိုက်ပါ။ လူမှုကွန်ယက်များပေါ်တွင် အပါအဝင် မတူညီသောအမည်များကို မှတ်သားခြင်းကိရိယာများကို စူးစမ်းလေ့လာလိုက်ပါ။ သင့်မှတ်ဉာဏ်စွမ်းရည်များကို မြှင့်တင်ခြင်းသည် မည်ကဲ့သို့ ပျော်ရွှင်ဖွယ်ကောင်းသည်ကို ရှာဖွေပြီး ကိုယ်ပိုင်ယုံကြည်ချက်ရယူပါ။ အခြားသူများအနေနှင့်လည်း အရေးပါအရာရောက်ကြောင်း ခံစားရစေမှာ အထွေအထူးရှင်းပြနေရန်ပင် မလိုတော့ပါချေ။
သင်ဘာကြောင့် ဤသည်ကိုသင်ယူချင်ရသည်
လူတစ်ယောက်ရဲ့ နာမည်ဟာ ထိုသူ့အတွက်တော့ မည်သည့်ဘာသာစကားတွင်မဆို အချိုသာဆုံးသော၊ အရေးကြီးဆုံးသော အသံပင်ဖြစ်သည်။ ဟု ဒေးကာနေးဂီကပြောခဲ့ပါသည်။ ယခင်ကာလများနှင့်ယှဉ်လျှင် လုပ်ငန်းခွင်ကျွမ်းကျင်ပညာရှင်များဟာ ၎င်းတို့အသက်မွေးလုပ်ငန်းတိုးတက်ရန်အတွက် လူထုကွန်ယက်တစ်ခုရှိရန် ယနေ့ခေတ်တွင် အလိုအပ်ဆုံးဖြစ်လာပါသည်။ ဤသင်တန်းမှ သင်ခန်းစာများကို အသုံးချပြီး သင်သည် ယင်းကွန်ယက်အတွင်းရှိ လူသားတစ်ယောက်ချင်းစီတိုင်းကို ဂရုစိုက်စောင့်ရှောက်တတ်သော ခေါင်းဆောင်တစ်ယောက်ဖြစ်ကြောင်းကို ပြသလိုက်ပါလေ --- ဤသည်ကို ၎င်းတို့၏အမည်များအား မှတ်မိနေခြင်းဖြင့် စတင်လိုက်ပါ။
သင့်ကို မည်သို့ ကူညီပေးမည်
အမည်များမှတ်မိနေခြင်းသည် သင့်အားဂရုစိုက်တတ်သော၊ ရိုးသားသောခေါင်းဆောင်တစ်ယောက်အဖြစ် ခွဲခြားမြင်သာစေနေမည်ဖြစ်ပါသည်။ သင့်ကိုပရော်ဖက်ရှင်နယ်တစ်ယောက်အဖြစ် မြင်လာကြမည်သာမကဘဲ သင့်အနေနှင့်လည်း ယုံကြည်မှု၊ လေးစားမှုများကို အခြေခံ၍ ကွန်ယက်တစ်ခုတည်ဆောက်ကာ တစ်ဦးချင်းစီနှင့် အစေးကပ်လာမည်ဖြစ်သည်။ လက်ဆွဲနှုတ်ဆက်မှုတစ်ခုလျှင် အမည်တစ်ခုမှတ်သားခြင်းမှစတင်၍ လူမှုဆက်ဆံရေးများတည်ဆောက်ပြီး သင့်အသက်မွေးဝမ်းကျောင်းလုပ်ငန်းကို မြှင့်တင်လိုက်ပါ။
