စေ့စပ်ညှိနှိုင်းခြင်း း လူမှုဆက်ဆံရေးနည်းလမ်းတစ်ခု
စေ့စပ်ညှိနှိုင်းခြင်းများအတွက် သူတစ်ပါးကို ဂရုတစိုက် နားထောင်ပေးခြင်းနှင့် ထိုသူတို့၏ အပြုအမူများနှင့် တုံ့ပြန်မှုများကို ဂရုတစိုက်လေ့လာခြင်းများ လိုအပ်ပါတယ်။ သင့်ရဲ့ ၀ယ်သူ သို့မဟုတ် လုပ်ဖော်ကိုင်ဖက်များအတွက် ဘယ်အရာက အရေးကြီးဆုံးလဲ ဆိုတာကို နားလည်ခြင်းသည် နှစ်ဦးနှစ်ဖက် လက်ခံနိုင်တဲ့ အဖြေရှာခြင်းအတွက် အဓိကကျပါတယ်။ တစ်ပါးသူ၏ ဆန္ဒကို သေချာစွာ နားလည်ခြင်းဖြင့် တစ်ခြားသူများနှင့် အတူတကွ လက်တွဲအလုပ်လုပ်နီုင်ပြီး ယုံကြည်မှုနှင့် ရေရှည်တည်တံံ့သော ဆက်ဆံရေးကို တည်ဆောက်နိုင်မှာ ဖြစ်ပါတယ်။
သင်လေ့လာသင်ယူရမည့် အရာများ
ဒီသင်တန်းမှာ သင်ဟာ စေ့စပ်ညှိနှိုင်းခြင်းဖြစ်စဉ်မှာ တွေ့ရမယ့် မတူညီတဲ့ စိတ်ဝင်စားမှုတွေကို ဖော်ပြဖို့နဲ့ မေတ္တာရပ်ခံဖို့ နည်းလမ်းတွေကို လေ့ကျင့်ရပါလိမ့်မယ်။ စေ့စပ်ညှိနှိုင်းခြင်းတွေဟာ ဘယ်နေရာမှာ ပျက်စီးသွားတယ်၊ တစ်ခြားသူတွေရဲ့ လိုအပ်ချက်တွေကို သိရှိဖို့ ဘယ်လို နားထောင်ပြီး ဘယ်လိုမေးခွန်းမျိုးတွေ မေးရမယ်ဆိုတာတွေကို သိရှိရပါမယ်။ စေ့စပ်ဆွေးနွေးသူတိုင်းရဲ့ လိုအပ်ချက်ကို သိရှိရန် မေးခွန်းတွေကို အကန့်အသတ်မထားပဲ လွတ်လပ်စွာဖန်တီးပြီး သဘောတူညီချက်ရရှိဖို့ နည်းဗျူဟာတွေကို အသုံးချရပါမယ်။
သင်ဘာကြောင့် ဤသည်ကိုသင်ယူချင်ရသည်
သင့်ရဲ့ရည်ရွယ်ချက်နဲ့ သူတစ်ပါးရဲ့ လိုအပ်ချက်ကို ချိန်ညှိဖို့ နည်းဗျူဟာတစ််ခုကို ကြိုတင်ပြင်ဆင်ရာမှာ မျှတစွာ လေ့လာဆန်းစစ်ဖို့ လိုအပ်ပါတယ်။ ထိုသို့ပြုလုပ်ခြင်းဖြင့် ရန်လိုမုန်းတီးမှုတွေကို ရှောင်ရှားနိုင်ပြီးတော့ အဲဒီအစား လူတိုင်းပျော်ရွှင့်မယ့်၊ နှစ်ဦးနှစ်ဖက်အကျိုးရှိစေမယ့် ပူးပေါင်းဆောင်ရွက်မှုမျိုးဖြင့် ညှိနှိုင်းရပါမယ်။
သင့်ကို မည်သို့ ကူညီပေးမည်
လူတိုင်းရဲ့ အပြုအမူများ၊ လိုအပ်ချက်များ၊ အကြံအစည်များကို လေ့လာဆန်းစစ်ခြင်းဖြင့် အပြန်အလှန်ခင်မင်နားလည်မှု တည်ဆောက်ဖို့ သင်ယူရပါလိမ့်မယ်။ လူတိုင်းကျေနပ်စေမယ့် ရွေးချယ်စရာ နည်းလမ်းများကို တင်ပြခြင်း၊ ညှိနှိုင်းခြင်း၊ နောက်ဆုံးသဘောတူညီချက် ချမှတ်ခြင်းတို့အတွက် ထိရောက်သော နည်းဗျူဟာများကို အသုံးချရပါမယ်။ ထိုသို့ပြုလုပ်ခြင်းဖြင့် သင်တို့ရဲ့ ရေရှည်ဆက်ဆံရေးကို ပိုမိုတိုးတက်စေပြီး လက်တွဲလုပ်ဆောင်ခြင်းကိုလည်း ပိုမိုခိုင်မာစေပါတယ်။
